Björn Jörundur | Af fingrum fram | AUKATÓNLEIKAR

Hin lífsseiga spjalltónleikaröð Jóns Ólafssonar, Af fingrum fram, heldur ótrauð áfram inn í sextánda starfsvetur sinn í Salnum.

** Vegna mikillar eftirspurnar hefur nú verið bætt við aukatónleikum með Birni Jörundi í tónleikaröðinni Af fingrum fram, þann 17. október.

Stjarna Björns Jörundar hefur oft skinið skært en kannski aldrei sem undanfarin misseri en hann hefur bæði farið með himinskautum á hvíta tjaldinu og með hljómsveit sinni, Nýdönsk, sem hann stofnaði á níunda áratug síðustu aldar ásamt vinum sínum. Frammistaða hans í Ljósvíkingum vakti mikla athygli og kappinn er jafnvígur í leik og söng. Hæfileikar hans liggja þó kannski ekki síst í tónlistargerðinni en skv. Gallup kann annað hvert mannsbarn 47% laga Björns Jörundar. Þar má nefna lög eins og Frelsið, Hjálpaðu mér upp, Fram á nótt og Nostradamus sem dæmi. Þeim Jóni gestgjafa er vel til vina og því má með sanni kalla þetta góðra vina fund.

You may also like the following events from Salurinn Tónlistarhús:

• Next Wednesday, 3rd September, 08:00 pm, Lúllabæ - Sigga Eyrún útgáfutónleikar in Kopavogur
• Next Thursday, 4th September, 08:00 pm, Carpenters NOSTALGÍA in Kopavogur
• Next Friday, 5th September, 08:30 pm, Belonging? in Kopavogur